خبيزات كيجيو زوينين ومايحتاجوج يخمر

الخبز:
4كيسان ماء دافي
50غرام خمارة ديال الخبز
معلقة عسل
الملح حسب الدوق
10كيسان طحين
بيضة
الخشخاش او الجنجلان
3 معالق زيت

الطريقة:
كنخد صحن ندير فيه الخمارة نزيد الماء ونحل الخمارة باليد نزيد الزيت الملح العسل والطحين بشوي بشوي ندلكوه مزيان نعملوه خبيزات ندهنوهم باللبيض ونرش الخشخاش او الجنجلان ونديرهم في الفرن 200 درجة حتى يطيبو.
ملاحضة: الفرن ماخصوش يكون ساخن من قبل حتى نديرو الخبيزات في الفرن عاد نشعلو الفرن .الخبز كيخمر في نفس الوقت اللي الفرن كيسخن وبالصحة والراحة