السفه مدفونه بالدجاج على طريقه البسطيله جات غزاله

المقادير :
نص كيلو شعريه د سفه + ملح +زيت كدهنيها مزيان وكتفوريها 20 دق كتحطيها وضيفيلها 2 كيسان كبار ديال الماء دافي شويه بشويه حتى كتشرب ثم تكررين العمليه مرتين المره الثالثه كتزيدي لها نص كوب زبيب مرقد فالماء من قبل و تعاودي تفوريها (في الآخر اختياري كل واحد وشنو كيفضل كضيفيلها السكر كلاصي والزبده )
الدجاج :
 دجاجة كامله منزوعه الجلد مغسوله ومرقده فالليمون والملح تقطع قطع كنشحروها فالزيت + ملعقه زبدة (السمن الحر أيضا اختياري إللي كيعجبو )كنضيفو ليه 3 فصوص الثوم + 4 بصل متوسطين +ملعقة ص سكنجبير +نص ملعقة ص خرقوم بلدي+نص ملعقه كمون + 2 عواد د القرفة +زعفران حر + القزبور والمعدنوس
كنربطوهم ونحطوهم منين نمرقو بعد ما اتشحر الدجاج مع الثوم والبصله والعطريه مزيان
التزين لوز مقلي + سكر كلاصي+ قرفة والبصحه والراحة